زهية

أنا زهية 15 سنة، و أنا صغيرة كنت بتفرج علي أفلام كتير أوي مع ماما و كنت بنبهر أوي بفساتين الممثلين لدرجة إني أروح الكشك اللي جنب مدرستنا و أشتري بمصروفي الجورنال كله عشان صفحة الفن عشان أروح للبنات في الفصل و نختار فساتين النجوم كأننا هنلبسها، و أروح لماما بعدها و أوريها أنا إختارت إيه عشان تعملهولي، ماما كانت بتفصل حلو أوي و كان نفسي أبقي زيها، و طلبت منها تعلمني إزاي أفصل و أعمل الفساتين لنفسي عشان كان حلمي إن كل البنات تحس إنها تقدر تبقي نجمة.
ماما وافقت بشرط إني أحافظ علي مذاكرتي و إن الخياطة متعطلنيش عنها، وفعلاً بدأت أتعلم منها إزاي أقص و أرسم الشكل و ننزل نجيب نع بعض القماش اللي أنا عايزاه. ماما كانت بتشجعني أكمل وتحكي علي شطارتي للمدرسين و أصحابها، كنت فرحانة أوي إنها فخورة بيا. و في يوم ماما إتوفت في حدثة عربية، حياتي وقفت بعدها مش بس حلمي، تعليمي وقف و قررت أبطل أروح المدرسة، بس بابا إتكلم معايا وقالي إن ماما كانت بتتعب كتير عشاني وجه الوقت اللي أنا أثبتلها إن تعليمها ليا كان بفايدة، أنا رجعت المدرسة دلوقتي بذاكر أكتر من الأول و كمان بعمل فساتين لأصحابي و في المستقبل هدخل الكلية اللي تخليني مصممة أزياء كبيرة قد الدنيا و أفرح مامتي لأني وعدتها.

زهية حماده