مريم

أنا مريم من أسوان, أهلى متوفيين من وانا ٥ سنين و عايشة مع خالتى, هى اللى ربتنى و علمتنى و صرفت عليا. خالتى بترسم و بتعمل حنة للبنات, هى شاطرة أوى و بتعرف تعمل تفاصيل صعبة جدا. وانا من زمان كان نفسى يبقى عندى هواية بعملها و شاطرة فيها و قريب جربت اكتب و لقيت انى بعرف اكتب حلو اوى و خالتى كانت بتقولى انى كتابتى مختلفة, و قصصى فيها حاجة مش شبه اى حاجة. كل ما بكتب بفتكر خالتى بتعمل الحنة ازاى و التفاصيل الصغيرة اللى بترسمها و بحاول اكتب عن حاجات صغيرة اوى يمكن الناس مش بتاخد بالها منها. أنا دلوقتى لسه فى المدرسة بس دخلت مسابقة للكتابة على مستوى المحافظة و كسبت فيها المركز الأول, خالتى كانت مبسوطة اوى اليوم ده, وانا كنت مبسوطة انى خليتها فخورة بيا و انى بعمل حاجة بحبها. هى اللى علمتنى ابقى كده و هى اللى ادتنى كل حاجة و اهتمت بيا, وانا اى حاجة بعملها بتبقى عشانى و عشانها هى كمان.
 
مريم حسين
كاتبة و روائية