نورهان

أنا نورهان عندي 14 سنة و عايشة في البحيرة. صاحبتي المفضلة كمان إسمها ليلي. ليلي كانت جارتي و كمان معايا من المدرسة، كنت أصحي قعدي عليها و نتمشي سوا ناخد المعدية و نروح المدرسة، من زمان و إحنا كده، هي اللي علمتني ماخفش من المعدية و من الماية عموماً.
لأنها كانت شجاعة و مش بتخاف بتدافع عني مع كل الناس حتي مامتي و كمان لو إتأخرنا علي المدرسة. مامتها كانت دايماً تقولي إنتي بنتي التانية و ماما كمان كانت شايفاها كده لأننا دايماً مع بعض. وفي يوم كنت خايفة أتأخر عن المدرسة فسبأتها و هي لما ملقتنيش قدام بيتها كانت بتجري عشان تلحق المعدية
و دخلت عوم عشان تقرب بس للأسف غرقت و محدش عرف ينقذ ليلي عشان الماية مكنتش مبينة حاجة منها. أنا فضلت فترة كبيرة أوي مش عارفة هعمل إيه من غيرها، مش عارفة أنام ولا أعيش من غيرها لكن مامت ليلي كانت هي السبب إني أقوم و أكمل، لأنها جت البيت عندي و قالتلي إني لما أبعد عن التعليم عمري ما هعرف أساعد بلدي تبقي أحسن ولا أخليها الأم الفخورة ببنتها، و أنا قررت من اليوم ده إني عايزة أشتغل في شغل يخليني أنضف النيل و أخليه أحلي عشان
محدش يخاف منه ونخلي بلدنا أحسن و أحسن و حادثة ليلي ماتتكررش أبداً.
أنا دلوقتي رجعت المدرسة و بحافظ علي دروسي أكتر من الأول و لسة بذاكر في بيت ليلي و دايماً فكراها و هعمل كل حاجة
تخليني أساعد الناس تفضل مع عيلتهم اللي بيحبوهم

نورهان نور